Bodi ya Mikopo ya Wanafunzi wa Elimu ya Juu (HESLB) ni taasisi ya serikali ya Tanzania inayotoa mikopo kwa wanafunzi wa elimu ya juu wanaotoka kwenye familia zenye uhitaji wa kifedha. Mikopo hii huwasaidia wanafunzi kugharamia masomo yao kwa vipengele mbalimbali kama vile ada ya chuo, malazi, chakula, vifaa vya kujifunzia, na gharama za mafunzo kwa vitendo.

Ili mwanafunzi apate mkopo huu, anatakiwa kuwasilisha maombi yake kwa njia ya mtandao kupitia mfumo rasmi wa HESLB uitwao OLAMS (Online Loan Application and Management System). Ifuatayo ni hatua kwa hatua ya jinsi ya kuomba mkopo huu kwa mwaka wa masomo 2025/2026.

1. Kusoma Mwongozo wa Maombi ya Mkopo

Kabla ya kuanza kujaza fomu ya mkopo, ni muhimu sana kusoma Mwongozo wa Maombi ya Mkopo (Loan Application Guidelines) unaotolewa kila mwaka na HESLB kupitia tovuti yao rasmi www.heslb.go.tz.

Mwongozo huu unaeleza kwa kina:

  • Sifa za muombaji wa mkopo.
  • Vipengele vya mkopo vinavyopatikana (Loanable Items).
  • Aina ya waombaji (wanaoanza na wanaoendelea).
  • Nyaraka muhimu zinazohitajika.
  • Mfumo wa tathmini ya uhitaji (Means Testing System – MTS).
  • Tarehe za kuanza na kumaliza kutuma maombi.

2. Kukusanya Nyaraka Muhimu

Muombaji wa mkopo anatakiwa kuandaa nyaraka zifuatazo kabla ya kuanza kujaza maombi:

  1. Nakala ya cheti cha kuzaliwa kilichothibitishwa na RITA.
  2. Nakala ya kitambulisho cha NIDA au namba ya NIDA kwa muombaji.
  3. Barua ya serikali ya mtaa/kata inayoeleza hali ya kifamilia na kiuchumi.
  4. Vyeti vya elimu (kidato cha nne, sita au diploma).
  5. Nakala ya risiti za malipo ya ada (kwa waliomaliza diploma/advanced level).
  6. Taarifa za mzazi/mlezi kama namba ya NIDA, kitambulisho, taarifa za vifo (ikiwa yatima), au ulemavu.
  7. Picha ndogo ya pasipoti (passport size photo).

Hakikisha kila nyaraka imeskanwa vizuri (scanned) na inaonekana kwa uwazi kwa ajili ya kupakiwa kwenye mfumo wa OLAMS.

3. Kusajili Akaunti Kwenye Mfumo wa OLAMS

Baada ya kuwa na nyaraka zote tayari, fuata hatua hizi:

  1. Tembelea https://olas.heslb.go.tz
  2. Bonyeza “Register” ili kuunda akaunti mpya.
  3. Jaza taarifa zako binafsi:
    • Jina kamili
    • Tarehe ya kuzaliwa
    • Barua pepe inayofanya kazi
    • Namba ya sim
  4. Tengeneza neno la siri (password) litakalotumika kila ukitaka kuingia tena.
  5. Utatumiwa ujumbe wa kuthibitisha (verification code) kupitia barua pepe au SMS.
  6. Baada ya kuthibitisha, ingia kwenye akaunti yako na uanze kujaza fomu ya maombi ya mkopo.

4. Kujaza Fomu ya Maombi ya Mkopo

Fomu ya mkopo inajumuisha sehemu mbalimbali. Hakikisha unajaza kila sehemu kwa usahihi:

  • Taarifa za mwanafunzi (Personal Information): Jina, anwani, mawasiliano, namba ya NIDA, n.k.
  • Taarifa za Elimu: Shule ulizosoma, mwaka wa kuhitimu, namba ya mtihani (NECTA), GPA n.k.
  • Taarifa za wazazi/walezi: Majina yao, kazi, kipato, hali ya ndoa, kama wanaishi au wamefariki.
  • Taarifa za kiuchumi: Inaonyesha hali ya familia yako ili kusaidia mfumo wa tathmini ya uhitaji.
  • Chuo na kozi uliyodahiliwa: Jina la chuo na kozi unayotaka kusomea. (Ikiwa tayari umepata udahili).
  • Vipengele vya mkopo unavyoomba: Kama ada, malazi, vifaa vya kujifunzia, n.k.

5. Kupakia (Upload) Nyaraka Zilizohitajika

Katika hatua hii, pakia nyaraka zote ulizotayari nazo kama zilivyoorodheshwa awali. Hakikisha kila nyaraka:

  • Iko kwenye muundo wa PDF au JPEG.
  • Inaonekana vizuri.
  • Ina jina linaloeleweka, mfano: “Cheti_cha_kuzaliwa.pdf”

Usipopakia nyaraka sahihi, maombi yako yataweza kukataliwa.

6. Kulipia Gharama ya Maombi

HESLB huweka gharama ndogo kwa ajili ya kuchakata maombi (application fee). Kwa kawaida ni TSh 30,000.

Jinsi ya kulipa:

  • Mfumo utakutengenezea Control Number.
  • Lipa kupitia mitandao ya simu (M-Pesa, Tigo Pesa, Airtel Money) au benki.
  • Baada ya malipo kuthibitishwa, unaweza kuendelea na hatua ya mwisho ya maombi.

7. Kukamilisha na Kuchapisha Fomu

  • Baada ya kujaza kila sehemu na kupakia nyaraka, hakikisha umepitia tena (review) kila kitu.
  • Bonyeza “Submit Application”.
  • Pakua na uchapishe (print) fomu yako ya mkopo kwa kumbukumbu.
  • Wakati mwingine, unaweza kuhitajika kutuma fomu hiyo kwa njia ya EMS (Posta) ikiwa HESLB watatangaza hivyo.

8. Kufuatilia Maombi Yako

Baada ya kutuma maombi:

  • Tembelea olas.heslb.go.tz mara kwa mara kuona status ya maombi yako.
  • HESLB huchakata maombi kwa kutumia Means Testing System (MTS) na kutoa orodha ya waombaji waliopata mkopo kwenye tovuti yao.
  • Orodha ya majina hutolewa kwa awamu kabla ya muhula wa kwanza kuanza.

Hitimisho

Kuomba mkopo wa elimu ya juu kupitia HESLB ni hatua muhimu kwa wanafunzi wanaotegemea msaada wa kifedha kujiendeleza kielimu. Jambo la msingi ni kuwa makini, kuandaa nyaraka sahihi, kufuata mwongozo wa HESLB na kujaza fomu kwa usahihi.

Ukifanya kila kitu kwa uangalifu, nafasi ya kupata mkopo ni kubwa. Hakikisha unaendelea kufuatilia taarifa mpya kila mara kupitia:

🔗 https://www.heslb.go.tz

Categorized in:

HESLB